Zelensky thotë se është gati për zgjedhje: Mund të mbahen brenda 60-90 ditëve të ardhshme, por…

Presidenti ukrainas, Volodymyr Zelensky, ka thënë se është gati për zgjedhje, dhe u ka bërë  thirrje partnerëve amerikanë dhe evropianë të ndihmojnë në sigurimin e zgjedhjeve gjatë luftës.

Ai u ka thënë gazetarëve se nëse siguria garantohet, zgjedhjet mund të mbahen brenda 60-90 ditëve të ardhshme, duke shtuar se do t’i kërkonte parlamentit të përgatiste legjislacionin e nevojshëm për të mundësuar zgjedhjet gjatë gjendjes së jashtëzakonshme.

Mandati i Zelenskyt ka përfunduar në shkurt të këtij viti, teksa Parlamenti i Ukrainës ka miratuar një rezolutë që zgjat mandatin e tij deri në heqjen e gjendjes së jashtëzakonshme.

Ukraina ka shpallur ligjin ushtarak pas hyrjes së trupave ruse në territorin e saj, dhe në këtë gjendje një shtet nuk zhvillon zgjedhje.

Rusia e ka quajtur Zelenskyn vazhdimisht president i paligjshëm, teksa së fundmi edhe presidenti amerikan, Donald Trump, gjatë një intervistë për Politico, ka deklaruar se mendonte që Ukraina duhej të zhvillonte zgjedhje.