Vrau 23-vjeçarin shqiptar me shtizë peshkimi, dënohet me 18 vite burg algjeriani

Është dënuar me 18 vite burg algjeriani 28 vjeçar i cili vrau Klajdi Bitrin me një pushkë peshkimi në Sirolo të Ankonas më 27 gusht 2023.

I riu shqiptar humbi jetën tragjikisht gjatë një sherri në trafik, teksa ndërhyri për të ndihmuar shokun e tij italian.

28-vjeçari ishte kthyer te makina për të marrë shtizën e peshkimit dhe e kishte drejtuar ndaj të riut duke e goditur në gjoks.

23 vjeçari ndërroi jetë pak minuta më vonë, ndërsa autori u rikthye në makinë dhe u largua. 

Ai u arrestua para darke, në Falconara, nga karabinierët, duke u kthyer nga peshkimi.

Prokurori Marco Pucilli kërkoi dënimin prej 24 vjetësh. Gjykata përjashtoi ‘rrethanat rënduese’ e motive të kota; ndërsa urdhëroi që algjeriani të paguajë një kompensim prej 40 mijë euro prindërve të të riut.