Video/ "Dukej si shpërthim", avioni ushtarak shfaqet në qiellin e Parisit, frikësohen banorët

Qytetarët e Francës janë alarmuar kur një “Airbus A330” po fluturonte nën hijen e një avioni luftarak francez në një lartësi të ulët në qiellin pranë Parisit të shtunën.

“Dukej si një shpërthim, ne nuk e dinim nëse ishte rrëzuar,” tha një banor për BFMTV, duke vënë në dukje se në 20 vjetorin e sulmeve të 11 Shtatorit në SHBA “natyrisht që mendojmë për këtë!”

Në fakt, Airbus ishte përfshirë në një stërvitje, dhe në bord ishte edhe kryeministri Jean Castex në bord. Zyra e tij tha se avioni luftarak Rafale po kryente gjithashtu stërvitje. Pamjet e incidentit u postuan në internet nga banorët.

Zyra e Castex tha se ai ishte në Airbus për shkak të “përgjegjësive të tij në çështjet e mbrojtjes kombëtare”.

Ministrja e Forcave të Armatosura Florence Parly ishte gjithashtu në bord. Avioni ushtarak ishte përdorur kohët e fundit në evakuimin e civilëve nga aeroporti i Kabulit në Afganistan.

Të dy avionët u ulën në bazën ajrore Vélizy-Villacoublay, në jug-perëndim të Parisit, të shtunën pasdite, pikërisht kur përkujtimet e 11 Shtatorit po mbaheshin përtej Atlantikut.

BFMTV komentoi: “Në fund, ishte vetëm një stërvitje. Njerëzit do të kenë pikëpamjen e tyre në lidhje me kohën.”