Në kërkim të fotos "perfekte" në majë të shkëmbit, adoleshentja greke bie nga 14 metra lartësi

Një tjetër tentavë për "selfie perfekte" rrezikoi jetën e një adoleshteje dhe duke shkaktuar edhe momente paniku në Greqi. Një vajzë 16-vjeçe ra nga një shkëmb rreth 14 metra lartësi të dielën pasdite.

Adoleshentja u dërgua në spital në gjendje të rëndë për jetën. Vajza ka lëndime në krah, këmbë, qafë dhe pjesë të tjera të trupit.

Mediat greke kanë publikuar pamjet nga vendi i ngjarjes.

Në momentin që ra 16-vjeçarja ishte me disa moshatarë të saj duke bërë fotografi, teksa poshtë ishte një fushë basketbolli. Ende nuk dihet nëse vajzën e shtynë apo ra aksidentalisht.