Vështirësi në fluturim, avioni i kombëtares gjermane bën uljen urgjente në Skoci

Futbollistët e Gjermanisë, pas fitores në Islandë janë përballur me një situatë që i vuri në rrezik jetën. Mësohet se në rrugën e kthimit në Gjermani, avioni ka pasur vështirësi në fluturim, kur ishte në 9 mijë metra lartësi.

Mediat ndërkombëtare bëjnë me dije se avioni është detyruar që të bëjë një ulje emergjentë në Skoci, duke siguruar kështu jetën e lojtarëve. Mësohet se pilotit iu deshën rreth 20 minuta që të ulet në pistën e Edinburgut në mënyrë të sigurt.

Fatmirësisht nuk ka asnjë të lënduar, ndërsa po punohet për të zbuluar shkakun e vështirësisë që avioni ka hasur gjatë fluturimit./a2cnn