Turqia bashkëpunon për herë të parë me një shtet të BE, Erdogan: Do të eksportojmë dronë

Presidenti turk, Recep Tayyip Erdoğan, ka lajmëruar se fundi Turqia do të eksportojë mjete ajrore pa pilotnë Poloni, duke shënuar kështu herën e parë për një shitje të tillë në një vend anëtar të NATO-s dhe Bashkimit Evropian (BE). Lajmin Erdogan e dha në një konferencë të përbashkët për media me homologun e tij polak, Andrzej Duda, i cili qëndron për vizitë zyrtare në Ankara.

“Me hapat që kemi ndërmarrë në 19 vitet e fundit (në industrinë e mbrojtjes), ne jo vetëm që kemi mohuar vitet e neglizhencës, por po ashtu e kemi çuar vendin tonë në ligën e gjigantëve në këtë fushë. Turqia, në kuadër të misionit të NATO-s, ‘Patrullimit Ajror të Baltikut’, së shpejti do të vendosë avionët e saj ‘F-16’ në Poloni”, tha ai, duke vënë në pah bashkëpunimin mes dy vende. Erdogan se Polonia dhe Turqia po ecin të vendosur për të arritur synimin e tyre prej 10 miliardë dollarësh në vëllimin e tregtisë dypalëshe, shkruan AA.

Ndërkaq, presidenti Duda, nga ana e tij, tha se Turqia është “aleati më i fuqishëm” i Polonisë “në këtë pjesë të botës” dhe falënderoi presidentin Erdoğan për pilotët turq “që mbrojnë qiellin”. “Unë besoj se si pjesë e kornizës së NATO-s, ne mund të parandalojmë kërcënimet ndaj të dy vendeve nga brenda dhe jashtë vendit”, theksoi Duda.

Ndërkohë të shtunën, ministri polak i Mbrojtjes, Mariusz Blaszczak bëri me dije se vendi i tij do të blejë 24 dronë të tipit ‘Bayraktar TB2’ nga Turqia.