Mbaruan ditët e arratisë për shefin e Ndrangheta-s, arrestohet njeriu më i rrezikshëm në botë

Policia e Brazilit ka arritur të arrestojë pas operacionesh të shumta, Rocco Morabito, shefi i Ndrangheta-s. Mësohet se arrestimi i tij u bë në bashkëpunim nga karabinierët e ROS dhe Shërbimi Ndërkombëtar Policor, me bashkëpunimin e DEA, FBI dhe Departamentit të Drejtësisë të SHBA.

Prej 26 vitesh në arrati, i dënuar me 30 vite burg për trafik droge, Morabito është i arratisuri i dytë më i kërkuar pas Matteo Messina Denaro, ndërkohë që emri i tij është në listën e 10 të arratisurve më të rrezikshëm të Ministrisë së Brendshme italiane.

Shefi i Ndragehetas ishte arrestuar në vitin 2017 në Uruguaj, pas 23 vitesh në arrati, por dy vite më vonë arriti që të arratisej nga burgu i Montevideo ku po priste ekstradimin në Itali. Rocco Morabito u arrestua në një hotel në Joao Pessoa, kryeqyteti i shtetit të Paraiba, së bashku me dy të huaj të tjerë, sipas ministrit brazilian të Drejtësisë, Anderson Torres.