Garda amerikane “braktis” Kapitolin pas 5 muajsh mbrojtje

Pas 5 muajsh në detyrë për të mbrojtur Kapitolin, trupat e Gardës Kombëtare amerikane po largohen nga Uashingtoni. Në saj të kësaj, sekretari i Mbrojtjes Lloyd Austin falënderoi ushtarët dhe pjesëtarët e forcës ajrore që ndihmuan policinë e Kapitolit dhe autoritetet lokale për të përforcuar masat e sigurisë pas ngjarjes së dhunshme.

“Këta ushtarë mbrojtën jo vetëm ndërtesat, por edhe ligjvënësit që punojnë atje, duke siguruar që puna e tyre të vazhdonte pa ndërprerje. Ata respektuar betimin e tyre për të mbështetur dhe mbrojtur Kushtetutën,” tha zoti Austin të hënën.

Sekretari i shtypit i Pentagonit John Kirby u tha gazetarëve në Pentagon se rreth 1.000 trupa do të largohen në ditët e ardhshme. E diela ishte dita e fundit e misionit të mbrojtjes të Kapitolit.

Kujtojmë se mbrojtja e Gardës erdhi pas sulmit të 6 janarit në Kapitol.