Tragjike në Florida! Dy viktima dhe 6 të plagosur nga sulmet me armë zjarri gjatë festës së Halloween-it

Dy persona vdiqën dhe gjashtë u plagosën në një të shtëna në qendër të qytetit të Orlandos, Florida në mes të festimeve të Halloween, tha të premten departamenti i policisë rajonale, duke shtuar se një i dyshuar adoleshent ishte arrestuar.

Të lënduarit janë transportuar në Qendrën Mjekësore Rajonale të Orlandos (ORMC) dhe janë në gjendje të qëndrueshme.

Të shtënat ndodhën rreth orës 1 të mëngjesit, brenda lagjes argëtuese të Orlandos, ku qindra njerëz po festonin Halloween.

Oficerët iu përgjigjën njoftimeve për të shtëna në Central Boulevard dhe Orange Avenue.

Njerëzit me kostume të Halloween-it qëndruan në zonën e incidentit ndërsa personeli i urgjencës merrej me viktimat e shtrira në rrugë.

Shefi i policisë së Orlandos, Eric Smith tha në një konferencë për shtyp se i armatosuri i dyshuar, një djalë 17-vjeçar, ishte identifikuar dhe marrë në paraburgim.

Policia është ende duke kryer një hetim aktiv, tha Smith.

Departamenti i policisë po vlerësonte nevojën për shtimin e patrullave në qendër të qytetit këtë fundjavë, thuhet në deklaratën e tij.