Tragjedia në Koçan, disa pacientë nisen drejt Selanikut për mjekim

Ministri i Shëndetësisë, Arben Taravari tha se për 20 pacientë nga Koçani që janë në gjendje kritike për jetën, do të mundësohet mjekim në disa shtete të tjera.

Pas paralajmërimit, tre pacientët e parë nga Qendra Klinike në Shkup janë nisur me automjete të posaçme për kujdes intensiv për në spitalin Papanikollau në Selanik.

Ndërsa tashmë ka arritur edhe avioni ushtarak nga Sofja, që gjithashtu do të bëjë transportin e të lënduarve që do të trajtohen në Bullgari, sipas informacioneve të para, rreth 5 pacientë.

Ndërkaq, pritet që 9 pacientë të dërgohen në Turqi. Pritet që të ketë transport të pacientëve edhe në Beograd.