Të shtëna armësh në aeroport, qëllohet për vdekje një burrë

Një ngjarje e rëndë ka ndodhur në aeroportin ndërkombëtar të qytetit kanadez Vankuver. Mësohet se një person ka mbetur i vdekur, pasi u qëllua me armë zjarri në terminalin kryesor të këtij aeroporti. Ndërkohë, mediat shkruajnë se aeroporti ndërkombëtar i Vankuverit ka bërë të ditur se po bashkëpunon me policinë.

Disa orë pas ngjarjes së rëndë policia njoftoi se e ka situatën nën kontroll. Por ende nuk ka asnjë informacion zyrtar lidhur me shkaqet e ngjarjes së rëndë. Autori i krimit është shpallur në kërkim.