Skandali! Ish- deputetja akuzon ministrin për ngacmim seksual në parlament

Një skandal ka plasur në Australi. Mësohet se ish- deputetja Julia Banks, ka ngritur akuza ndaj një ministri aktual dhe thotë se ai e ka ngacmuar seksualisht, duke i prekur këmbën gjatë një seance votimi në Parlament.

Sipas saj, ngjarja ka ndodhur në vitin 2017 kur ajo ishte deputete. “Ministri erdhi dhe u ul pranë meje, më vuri dorën mbi gju, e vazhdoi ta ngrinte lart ngadalë duke më prekur kofshën në pjesën e brendshme“, tha Banks.

Lidhur me këto pretendime, ka reaguar dhe zyra e Kryeministrit australian, Scott Morrison, duke i cilësuar sjellje të tilla të papranueshme. Ish-deputetja e ka rrëfyer këtë situatë në një fragment nga kujtimet që ajo ka botuar së fundmi. Banks nuk e identifikoi ministrin, për të cilin ajo tha se ishte akoma në kabinetin qeveritar.