Situata e Covid-19 në Izrael del jashtë kontrollit, mbi 10 mijë të infektuar në 24 orë

Situata e Covid-19 në Izrael nuk është aspak e mirë. Autoritetet shëndetësore bëjnë me dije se në 24 orët e fundit, në vend janë regjistruar 10,947 të infektuar, një rritje e ndjeshme për shkak të variantit “Delta”.

 Sipas njoftimit të ministrisë së Shëndetësisë, personat e prekur janë ata që nuk kanë marrë vaksinën, edh ata që janë vaksinuar më shumë se 6 muaj më parë, ndaj ka nisur fushata për marrjen e një doze të tretë të vaksinës.

Të hënën, vendi regjistroi më shumë se 9,000 raste të reja, sipas të dhënave të Ministrisë së Shëndetësisë. Izraeli ishte një nga vendet e para që nisi një fushatë vaksinimi në shkallë të gjerë në mes të dhjetorit falë një marrëveshjeje me Pfizer, e cila  shpërndau miliona doza në këmbim të të dhënave të efikasitetit të vaksinave në popullatën e saj, e cila lejoi zvogëlimin e numrit të rasteve dhe përhapjen e variantit Delta.

Rreth 5.5 milion persona kanë marrë dy doza të vaksinës anti-Covid në Izrael, rreth 60% e popullsisë së përgjithshme dhe më shumë se 80% të të rriturve, ndërsa vaksina nuk është miratuar ende për fëmijët nën moshën 12 vjeç./abcnews