Situata e Covid-19, më shumë se gjysma e popullsisë është vaksinuar

Një lajm i mirë vjen nga Izraeli, ku mësohet se më shumë se gjysma janë vaksinuar kundër Covid-19. Lajmin e bëri me dije ministri i shëndetësisë së vendit, Yuli Edelstein. Në një deklaratë për media, ai tha se 50.07% e popullsisë së përgjithshme kishin marrë të dyja dozat e vaksinës, dhe 55.96% dozën e parë.

Mediat e huaja shkruajnë më tej se rreth 8.7% të popullsisë së tij që janë rikuperuar nga COVID-19 janë të pajisur me certifikata “Green Pass” për lëvizjen e lirë. Izraeli filloi të lehtësonte masat në fund të shkurtit. Shumica e bizneseve dhe shkollave, si dhe aeroportet, kanë rifilluar gradualisht aktivitetin. Vendi ka parë një rënie prej 85% të viktimave ditore, një rënie prej 72% në të sëmurët kritikë dhe 86% më pak raste  ditore që nga kulmi i pandemisë në mes të janarit.

Izraeli ka qenë  vazhdimisht i kritikuar nga  ndërkombëtarët për mos-vaksinimin e palestinezëve. Sipas një sondazhi, 55% e palestinezëve janë të gatshëm të marrin vaksinën kur të jetë e disponueshme ose e kanë marrë tashmë, ndërsa 43% nuk ​​duan të vaksinohen.