Shpërthim i fuqishëm në një banesë në Greqi, një viktimë dhe një i plagosur

Një shpërthim i fortë ka ndodhur mbrëmjen e djeshme (31 tetor) në një apartament në katin e tretë të një pallati në Ampelokipoi, Greqi.

Nga ngjarja ka mbetur i vdekur një burrë, ndërsa bashkëshortja e tij ndodhet në gjendje të rëndë.

Nga provat e para të grumbulluara rezulton se bëhet fjalë për terrorizëm, pasi në zonën ku ka ndodhur shpërthimi është gjetur një pistoletë 9 mm ,e cila është dërguar në laboratorët e mjekësisë ligjore, si dhe një sasi lënde shpërthyese. Gjithashtu u gjet edhe një celular.

Shpërthimi e shkatërroi totalisht banesën dhe dëmtoi të gjithë ndërtesën e banimit në lagjen Ampelokipoi. Zjarrfikësit arritën të nxjerrin gruan e lënduar dhe ta çojnë në spital, teksa burri që humbi jetën ende nuk është identifikuar.