Senati amerikan konfirmon Kash Patel si udhëheqës të FBI-së!

Senati amerikan ka konfirmuar Kash Patelin si drejtor të FBI-së, me ligjvënësit që votuan 51-49 pro. Zgjedhja e diskutueshme e Trump për të drejtuar agjencinë më të lartë të zbatimit të ligjit në vend ka qenë më parë një kritik i ashpër i FBI-së.

Më herët, Shtëpia e Bardhë tha se presidenti amerikan Donald Trump është shumë i frustruar me liderin ukrainas Volodymyr Zelensky. Këshilltari i Sigurisë Kombëtare Mike Waltz tha se fyerjet ndaj Trump nga Kievi ishin të papranueshme dhe pretendoi se Zelensky nuk kishte ardhur në tryezë për negociata.

Në një konferencë në Shtëpinë e Bardhë, Waltz nuk pranoi t'i përgjigjej drejtpërdrejt një pyetjeje nëse Trump e shikonte udhëheqësin rus Vladimir Putin si një diktator. Trump e quajti Zelensky një diktator të mërkurën.

Më herët, republikani Mitch McConnell tha se nuk do të kandidojë për rizgjedhje , gjë që do t'i japë fund mandatit të tij si ligjvënësi më jetëgjatë në Senat.