Rusia dhe Ukraina kryejnë sulme masive me dronë ndërsa pritet plani i Trump për ndalimin e luftës

Rusia dhe Ukraina kanë kryer sulmet e tyre më të mëdha me dron kundër njëra-tjetrës që nga fillimi i luftës.

Ministria ruse e mbrojtjes tha se ka kapur 84 dronë ukrainas mbi gjashtë zona, duke përfshirë disa që i afroheshin Moskës, cka detyroi fluturimet të devijoheshin nga tre nga aeroportet kryesore të kryeqytetit.

Forcat ajrore të Ukrainës thanë se Rusia lëshoi ​​145 drone drejt çdo pjese të vendit të shtunën mbrëma, ku shumica e tyre u rrëzuan.

ashpersimi i luftimeve vjen mes pritjeve qe presidenti i sapozgjedhur i SHBA-së, Donald Trump mund të ushtrojë presion mbi të dyja palët për t'i dhënë fund konfliktit.

Përpjekja e Ukrainës per sulm ndaj Moskës ishte gjithashtu aksioni më i madh i saj në kryeqytetin rus që nga fillimi i luftës dhe u përshkrua si sulm "masiv" nga guvernatori i rajonit.

Shumica e dronëve u rrëzuan në rrethet Ramenskoye, Kolomna dhe Domodedovo, thanë zyrtarët.

Në Ramenskoye, në jug-perëndim të Moskës, pesë persona u plagosën dhe katër shtëpi u prekën nga zjarri për shkak të rënies së mbeturinave, tha Ministria Ruse e Mbrojtjes, qe shtoi se 34 dronë ishin rrëzuar mbi qytet.

Në Ukrainë, të paktën dy persona u plagosën pasi një dron goditi rajonin e Odesës. Imazhet treguan flakët që ngriheshin nga disa ndërtesa, si dhe dëmet pasuese.

Forcat ajrore ukrainase thanë se 62 dronë të prodhuar nga Rusia u rrëzuan, ndërsa 67 kishin "humbur". 10 të tjerë u larguan nga hapësira ajrore e Ukrainës duke u kthyer në drejtim të Rusisë, si dhe Bjellorusisë dhe Moldavisë fqinje, shtoi ai.