Rriten rastet me Covid-19, Japonia shpall gjendjen e jashtëzakonshme dy javë para Lojrave Olimpike

Vetëm 2 javë para Lojrave Olimpike, Japonia po përgatitet të shpallë gjendjen e jashtëzakonshme, për shkak se rastet me Covid-19 po rriten ndjeshëm. Lajmi u dha nga qeveria e Japonisë, kjo pasi vendi është përballur me kritika të shumta për zhvillimin e Lojërave Olimpike.

Gjithashtu, më herët janë krijuar edhe peticione të ndryshme, për anulimin e tyre. Por, pavarësisht kritikave Japonia ka vendosur të zhvillojë Lojërat Olimpike, duke deklaruar se  janë marrë të gjitha masat e nevojshme  për mbrojtjen e pjesëmarrësve. Japonia ka regjistruar 807,951 raste dhe 14,862 viktima që nga fillimi i pandemisë.