Prej muajsh kishte vdekur, 69-vjeçarja fshihej nga mbesa në mënyrë që të merrte pensionin e saj

Në Greqi ka ndodhur një ngjarje që ka shokuar të gjithë. Mësohet se një grua 69-vjeçare është gjetur e vdekur brenda një bagazhi makine në një garazh, ndërsa sipas mediave, ajo mbahej aty nga mbesa e saj prej kohësh.

55-vjeçarja u arrestua, pasi akuzohet se ka futur trupin e të moshuarës në bagazhin e makinës duke mos raportuar për vdekjen e saj në mënyrë që t’i merrte pensionin. Mediat greke shkruajnë se mbesa kishte vendosur trupin në një bagazh, ndërsa e kishte vulosur me ngjitës që përdoret për pllaka me qëllim që të pakësonte erën e keqe. Ekspertiza mjeko- ligjore ka treguar se gruaja ka vdekur 2-3 muaj më parë, ndërsa për shkak të dekompozimit të avancuar të trupit, nuk janë përcaktuar shkaqet e sakta të vdekjes së 69-vjeçares.