Po raportonte Live për stuhinë tropikale në SHBA, gazetari sulmohet nga një qytetar

Një situatë e pakëndshme i ka ndodhur gazetarit të NBC-së, Shaquile Brewster, i cili po raportonte për stuhinë tropilake që ka goditur Missipin. Gjatë transmetimit live për NBC, gazetari është sulmuar nga një amerikan i nervozuar.

Brewster po raportonte live nga Gulfport kur pas shpinës së tij u ndal një veturë e bardhë, nga e cila doli një burrë që filloi të vraponte në drejtim të tij.

“Hej, hej. Do të thërrasim Brewsterin për t’u siguruar që gjithçka është në rregull, por shumë të çmendur dhe çmenduri të ndryshme po bëjnë njerëzit”, dëgjohet duke thënë prezantuesi i brengosur Craig Malwin.

Megjithatë disa momente më pas, Brewster ka shkruar në Twitter për të treguar që është mirë dhe se nuk ka pësuar ndonjë lëndim serioz.