Plas bomba në protestën “Pro Palestinës” në Pakistan, vdesin 6 persona

Në Pakistan, gjatë protestave “Pro Palestinë” janë vrarë 6 persona. Mediat ndërkombëtare shkruajnë se në atë zonë u hodh një bombë, që shkaktoi vdekjen e tyre. Mësohet se bomba ishte vendosur në një motocikletë dhe shpërtheu në fund të tubimit, në kohën kur njerëzit ishin duke u shpërndarë në qytetin Chaman, afër kufirit me Afganistanin.

Në shumë vende të botës janë mbajtur tubime për të shfaqur përkrahje për palestinezët e Gazës, ndërsa në Shtetet e Bashkuara ka pasur përleshje fizike mes përkrahësve të palestinezëve dhe përkrahësve të Izraelit, pasi të dyja grupet organizuan tubime dhe u takuan mes vete në rrugë.