"Pesë vrasje me pagesë mes shqiptarëve", Holanda i dërgon Greqisë bisedat e SKY ECC

Zbërthimi i platformës SKY ECC vazhdon të zbulojë vrasje të planifikuara dhe grupe të organizuara kriminale për trafik të kokainës si dhe vrasës me pagesë gjithashtu.

Nga të dhënat e reja janë zbuluar fakte që vërtetojnë autorët dhe organizimin e të paktën 5 vrasjeve të mafies shqiptare dhe jo vetëm, në Greqi.

Aktiviteti i kriminelëve sipas Belgjikës dhe Holandës, nga zbaërthimi i SKY ECC shtrihej në Athinë, por edhe në Mykonos, Santorini dhe Kretë.

Gjithashtu Holanda dhe Belgjika i kanë dërguar Greqisë provat dhe lidhjet e autorëve dhe grupeve kriminale me autoritetet e policisë.

Sipas medias greke “To Vima” në Greqi nuk operojnë një apo dy mafie të huaja. Siç zbulohet nga të dhënat që disponon Policia e Athinës dhe që vijnë nga deshifrimi i shkëmbimit të qindra mijëra mesazheve dhe fotove përmes platformës së sigurisë “Sky ECC”, përdorur deri në vitin 2021 janë rreth 171,000 të dyshuar në të gjithë Evropën dhe Amerikën.