Përshkallëzohen tensionet në Bregun Perëndimor, sulme kolonëve e arrestime në disa zona

Situata në Bregun Perëndimor të pushtuar vijon të mbetet e tensionuar, ndërsa gjatë orëve të fundit janë raportuar incidente të reja mes kolonëve izraelitë, forcave izraelite dhe banorëve palestinezë në disa zona.

Sipas agjencisë palestineze të lajmeve Wafa, kolonë izraelitë sulmuan banorë palestinezë dhe aktivistë ndërkombëtarë në fshatin Jurish, në jug të Nablusit. Gjatë përleshjeve janë përdorur edhe granata zhurmuese.

Po gjatë ditës, një palestinez mbeti i plagosur pasi u qëllua nga policia izraelite, ndërsa një tjetër u arrestua në Jerusalemin Lindor të pushtuar.

Raportimet bëjnë me dije se para agimit kolonë izraelitë hynë në zonat periferike të qytetit Sinjil, në veri të Ramallahut, ku u vunë flakën disa kulturave bujqësore.

Në një incident tjetër, persona të dyshuar si kolonë dëmtuan shtyllat elektrike në periferi të qytetit Beita, në jug të Nablusit.

Ndërkohë, forcat izraelite zhvilluan një operacion në qytetin e Nablusit gjatë orëve të para të mëngjesit, ku u arrestuan tre palestinezë, sipas raportimeve të agjencisë Wafa.

Deri më tani nuk ka njoftime për përshkallëzim të mëtejshëm të situatës, ndërsa tensionet në Bregun Perëndimor vijojnë të mbeten të larta.