Përplasja fatale e avionit me një shtëpi në SHBA, vdesin 4 persona, mes tyre edhe një fëmijë

Një ngjarje e rëndë ka ndodhur në Hattiesburg, Misisipi, SHBA, ku një aeroplan i vogël u përplas në një shtëpi duke shkaktuar 4 të vdekur, 3 të rritur dhe një fëmijë. Sipas mediave vendase, ngjarja e rëndë ndodhi rreth orës 23:20 të së martës.

Mësohet se Administrata Federale e Aviacionit ka mbyllur rrugët përreth  dhe ka nisur hetimet për atë që ka ndodhur.

 “Nëse gjeni ndonjë mbetje ose rrënojë në oborrin ose pronën tuaj që ju besoni se është e lidhur me rrëzimin, mos e prekni ose hiqni, dhe ju lutemi kontaktoni Departamentin e Policisë Hattiesburg,” thanë institucionet përkatëse në një deklaratë të postuar në mediet sociale.