Shkelën rregullat e qarkullimit rrugor, nuk i shpëtojnë policisë dy shtetasit

Policia e Tiranës ka njoftuar mëngjesin e sotëm se ka vënë në pranga 2 shtetas, të akuzuar për shkelje të rregullave të qarkullimit rrugor. Sipas njoftimit, kanë rënë në pranga shtetasit A.B,  dhe B.S, pasi drejtonin makinën në gjendje të dehur.

“Tiranë/ Specialistët e Qarkullimit Rrugor bënë arrestimin në flagrancë të shtetasve: A. B., 48 vjeç dhe B. S., 31 vjeçe, pasi u kapën në flagrancë duke drejtuar mjetet përkatëse në gjendje të dehur.

Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme”, njofton policia.