Përplaset me shtyllën, reperi grek gjen vdekjen në orët e para të mëngjesit (Foto)

Një aksident tragjik ka ndodhur në orët e para të mëngjesit të sotëm në Greqi, me pasojë vdekjen e një personi. Mediat vendase bëjnë me dije se viktima është reperi Mad Clip, i cili në po kthehej nga një dasëm. Sipas informacioneve të para, viktima, fans i çmendur i shpejtësisë ka humbur kontrollin e makinës dhe është përplasur me një shtyllë.

Pamjet e publikuara tregojnë se makina është palosur, duke mos i lënë asnjë mundësi shpëtimi 34-vjeçarit.

Mediat shkruajnë se policia dhe zjarrëfikësit kanë punuar 2 orë për të nxjerrë trupin e reperit nga makina.

Reperi Mad Clip nuk është pak i njohur në Greqi. Ai së fundmi ka lancuar këngën “Mporei”, me këngëtaren me origjinë shqiptare, Eleni Fureira.