Riaktivizohet "Camorra" në Itali, anëtarët e mafias ekzekutojnë 35-vjeçarin pak metra larg shtëpisë

Një ekzekutim i pamëshirshëm ka ndodhur në mes të Napolit, ndërsa viktimë ka mbetur 35-vjeçari Francis Buiding. Ndërsa sipas mediave italiane, vrasja i faturohet mafias së Camorrës.

Viktima, ndodhej në afërsi të kishës Sant’Alfonso, ku iu bë pritë nga anëtarët e mafias dhe mbi të u derdhën dhjetëra plumba.

Nuk përjashtohet hipoteza se vrasja lidhet me një plagosje të ndodhur mbrëmë, ku një person mbeti i plagosur.

Edhe pse urgjenca mjekësore mbërriti me shpejtësi në vendngjarje, burri nuk arriti t’i mbijetonte plagëve të marra dhe ndërroi jetë rrugës për në spital.