E pazakontë, gjenden armë, kasaforta dhe biçikleta brenda liqenit në Bruksel

Aksioni i pastrimit brenda liqenit në Bruksel është shoqëruar me surpriza sepse brenda tij janë gjetur biçikleta, kasaforta dhe madje edhe armë.

Rreth 30 zhytës u zhytën në liqen , përballë Place Flasse, në komunën Ixel në Bruksel. Sipas kreut të pastrimit publik, Nabil Mesaudi, u hoqën rreth pesë deri në gjashtë tonë mbeturina.

Gjatë pastrimit, u gjetën katër armë, përfshirë një pushkë shumë të vjetër, si edhe gjashtë kasaforta. Qershorin e kaluar, 12 kasaforta të tjera u gjetën dhe u morën.

Në të njëjtën kohë, u gjetën shumë gota dhe shishe, mirëpo, duhet të theksohet se liqeni është afër shumë restoranteve.

“Ajo që është më e rëndësishmja me këtë lloj veprimi është se ne do të kuptojmë qëndrimin e disa qytetarëve përballë një mjedisi të gjelbër si ky, ” tha kryebashkiaku i Ixel, Christos Doulkeridis.