Ndërron jetë në moshën 58-vjeçare gazetarja politike e CNN

Gazetarja politike e CNN Alice Stewart ka ndërruar jetë në moshën 58-vjeçare, njoftoi rrjeti i lajmeve të shtunën. Policia në Virxhinian veriore i tha CNN se trupi i Stewart u gjet jashtë në lagjen Bellevue herët në mëngjesin e së shtunës dhe se shkaqet nuk janë bërë ende të ditura.

Zyrtarët besojnë se Stewart pësoi një vdekje të papritur sipas CNN. Në një email drejtuar stafit, CEO i rrjetit Mark Thompson e quajti Stewart "një mike dhe kolege shumë të dashur për të gjithë ne në CNN".

“Një veterane politike dhe një gazetare fituese e çmimit Emmy, e cila solli një shkëndijë të pakrahasueshme në mbulimin e CNN, e njohur në të gjithë zyrat tona jo vetëm për zgjuarsinë e saj politike, por për mirësinë e saj të palëkundur”, shkroi ai. “Zemrat tona janë të rënduara teksa vajtojmë një humbje kaq të jashtëzakonshme”.