E FUNDIT!... Liverpool zyrtarizon Arne Slot

Këtë të hënë, Liverpool emëroi Arne Slot si trajnerin e ri të skuadrës së ‘Anfield’, duke zëvendësuar gjermanin Jurgen Klopp në këtë post.

Sipas një deklarate të lëshuar nga klubi, trajneri 45-vjeçar largohet nga Feyenoord dhe merr rolin e tij më 1 qershor.

“Trajneri 45-vjeçar i bashkohet ‘Reds’ nga Feyenoord, për sezonin 2024/25, pasi ka arritur një marrëveshje me klubin Eredivisie për shërbimet e tij”,- nënvizon deklarata.

Ajo shton se holandezi arrin në Angli pas "tre sezoneve shumë të suksesshme me Feyenoord, të cilin ai e udhëhoqi për të fituar ligën në 2023, duke u shpallur trajneri i vitit në Eredivisie në dy raste".

Liverpool gjithashtu thekson se do të jetë hera e parë që një trajner nga Holanda merr këtë rol dhe bën të ditur se puna parasezonale është planifikuar për në korrik.