Moti i keq në Brazil, numri i të vdekurve në jug të vendit shkon në 29

Shembja e pjesshme në Brazil pasditen e së enjtes e digës “14 de Julho”, e vendosur midis qyteteve Cotiporã dhe Bento Gonçalves, në shtetin e Rio Grande do Sul, për shkak të shirave të dendur, shkaktoi vdekjen e të paktën 29 personave, ndërsa 60 të tjerë janë të zhdukur.

Kryetari i qytetit të Bento Gonçalves, Diogo Segabinazzi Siqueira, njoftoi se reshjet intensive krijuan një sasi uji të lartë dy metra, që goditi zonën, duke përmbytur zonën e Linha Alcântara dhe duke përparuar drejt komunave São Valentim do Sul dhe Santa Tereza.