Lufta kundër Covid-19, SHBA autorizon Pfizer për të vaksinuar fëmijët 12-15 vjeç

SHBA ka autorizuar vaksinën Pfizer/BioNTech, për të vaksinuar fëmijët të moshës 12-15 vjeç, për të luftuar Covid-19. Mediat ndërkombëtare shkruajnë se vaksina ka qenë në qarkullim në SHBA pasi siguroi miratimin për përdorim emergjent për persona mbi 16 vjeç. Javën e kaluar autoritetet njoftuan se kishin filluar procesin e miratimit për moshat më të reja adoleshente.

Administrata për Ushqimin dhe Ilaçet tha se po ndryshon deklaratën që shoqëron vaksinën, duke specifikuar se ajo tani është miratuar për përdorim emergjent edhe për moshat nga 12-15 vjeç, ku përfshihen miliona të rinj.