Leu flokët me ngjyrat e flamurit të Ukrainës, e pëson keq rusi

Një rus që shkoi në një stacion policie në Moskë për të raportuar se ishte rrahur u akuzua atje për diskreditim të ushtrisë ruse sepse flokët e tij ishin lyer me ngjyrat blu dhe të verdhë të flamurit ukrainas. 

"Stanislav Netesov, një rus, flokët e të cilit janë lyer blu, të verdhë dhe jeshile, shkoi në një stacion policie në Moskë gjatë fundjavës, pasi u sulmua në një stacion autobusi. Oficerët e policisë vendosën që modeli i flokëve të Netesovit simbolizon Ukrainën dhe diskrediton ushtrinë ruse, duke hartuar një protokoll kundër tij”, tha Grupi i të drejtave OVD-Info. 

Gjithashtu gjatë fundjavës, një pediatre 67-vjeçare nga Moska, Nadezha Buyanova, u dërgua në burg për dy muaj pasi u akuzua për përhapjen e informacionit të rremë mbi ushtrinë ruse pas një ankese nga një e ve e një ushtari të vrarë në Ukrainë. Po ashtu Moska ka goditur çdo mospajtim që kur trupat e saj hynë në Ukrainë në vitin 2022.