Largimi i ushtrisë amerikane, talebanët festojnë me fishekzjarre (Video)

Një ditë më parë, ushtria amerikane u largua nga Afganistani, duke i dhënë fund luftës 20-vjeçare. Kjo u prit shumë mirë nga talebanët.

Videot e bëra virale kudo tregojnë se talebanët pas largimit të avionit të fundit, nisën të gjuajnë me mitralozë në qiell.

Ata nisën të brohorasin dhe të bënin fotografi, si shenjë e lirisë dhe gëzimit.

Një tjetër video tregon se në Kabul pas largimit të amerikanëve, kanë plasur fishekzjarrët.

Ndërkohë, talebanët në fjalimin e tyre thanë se tashmë Afganistani është i lirë dhe sovran.