Ku ishte epiqendra? Italia goditet nga një tërmet me magnitudë...

Një tërmet me magnitudë 4.1 është regjistruar pak pas mesnatës në Pizzone, Itali, një komunë në provincën e Isernias në kufirin me Abrucon dhe Lazion.

Mediat italiane shkruajnë se tërmeti, i cili zgjati disa sekonda, u ndje në të gjithë zonën dhe gjithashtu në provincat e Chieti, L’Aquila dhe Casertas.

Shumë njerëz dolën në rrugë nga frika. Deri më tani nuk është raportuar për dëme ose të lënduar.

Epiqendra ishte në zonën e Pizzone-s, në një thellësi prej 10 kilometrash.

Një dridhje e dytë, me magnitudë 2.2, u ndje në të njëjtën zonë në orën 3:41 të mëngjesit, në një thellësi prej 9 kilometrash.