Kina nuk vonon, i kundërpërgjigjet sanksioneve të SHBA dhe BE

Qeveria kineze nuk ka humbur shumë kohë, duke iu kundërpërgjigjur sanksioneve që ka njoftuar Bashkimi Europian dhe Britania e Madhe, për shkelje të të drejtave të njeriut në Kinë ndaj ujgurëve.

Kutjomë se individëve në Perëndim u është ndaluar që të vizitojnë territorin kinez dhe ndalohen gjithashtu që të bëjnë transaksione financiare me shtetas dhe institucione kineze.

Lidhur me këtë situatë, ministria e Jashtme kineze tha se veprimet e bllokut perëndimor nuk janë asgjë tjetër përveç gënjeshtrave dhe dezinformimit, ndërsa shkelin në mënyrë flagrante ligjin ndërkombëtar dhe normat themelore që rregullojnë marrëdhëniet ndërkombëtare.

Për kinezët, sanksionet e vendosura ndërhyjnë në mënyrë të fortë në punët e brendshme të Kinës dhe minojnë rëndë marrëdhëniet Kinë-Mbretëri e Bashkuar. Ambasadorit britanik në Kinë u thërrit në ministrinë e Jashtme dhe iu dorëzua një notë proteste diplomatike.

Më herët ka qenë edhe Bashkimi Evropian që ka vendosur sanksionet e para kundër Kinës në më shumë se 30 vjet. Masa e BE-së synon katër zyrtarë kinezë dhe një organizëm ekonomik që besohet të jenë përfshirë në shkeljet e pretenduara të të drejtave të njeriut të pakicës myslimane ujgure.

Por për autoritetet kineze, sanksionet kundër zyrtarëve të gjigantit aziatik janë pjesë e një komploti për të destabilizuar rajonin dhe nuk pasqyrojnë ndonjë shqetësim real për të drejtat e myslimanëve.