Kina i kundërpërgjigjet SHBA, vendos tarifa shtesë prej 34% për të gjitha mallrat amerikane

Kina i është kundërpërgjigjur SHBA-ve pas vendimit për vendosjen e tarifave. Pekini njoftoi se do të vendosë tarifa shtesë prej 34% për të gjitha mallrat amerikane. Ky vendim do të hyjë në fuqi nga 10 prilli, raporton Sky News.

Ministria e Jashtme kineze tha në një deklaratë se qasja e SHBA ishte “jo në përputhje me rregullat e tregtisë ndërkombëtare, duke cenuar seriozisht të drejtat dhe interesat legjitime të Kinës dhe është një akt tipik ngacmimi i njëanshëm.

Kina ka qenë gjithmonë një mbrojtëse e vendosur e rendit ndërkombëtar ekonomik dhe tregtar dhe një mbështetëse e vendosur e sistemit tregtar shumëpalësh.

Ne i bëjmë thirrje SHBA-së që të korrigjojë menjëherë praktikat e saj të gabuara dhe të anulojë masat e saj të njëanshme tarifore.”