Kaos në fluturimin Londër-Belfast, 41-vjeçari kërcënon me bombë pasagjerët dhe Presidentin Trump

Një incident i rëndë ndodhi në fluturimin easyJet 609 nga Londra Luton për në Belfast, i cili u detyrua të bëjë ulje emergjente në Aeroportin e Glasgow pas një kërcënimi serioz për bombë. Një burrë 41-vjeçar bërtiti “Kam bombë, Allahu Akbar!” dhe kërcënoi edhe Presidentin amerikan Donald Trump, i cili ndodhej në Skoci për një vizitë jozyrtare.

Pas kërcënimit, ai u fut në tualetin e avionit, duke shkaktuar alarm të menjëhershëm. Pasagjerët reaguan me guxim, e kapën dhe e mbajtën të shtrirë deri në uljen e avionit dhe arrestimin e tij nga forcat e sigurisë. Policia konfirmoi se nuk u gjet asnjë lëndë eksplozive dhe se personi veproi i vetëm.

Hetimet vazhdojnë për të kuptuar motivet dhe gjendjen mendore të tij. Fluturimi u anulua dhe pasagjerët u ridrejtuan në itinerare të tjera. Ngjarja ndodh në një moment të tensionuar sigurie për shkak të vizitës së Trump në Skoci.