Izraeli këmbëngul se jemi në luftë në Liban me Hezbollahun

Shefi i Shtabit të Forcave Mbrojtëse të Izraelit, Gjeneral-Lejtnant Eyal Zamir, dërgoi një mesazh të qartë: nuk ka armëpushim në Liban dhe Izraeli është në gjendje lufte.

Në kontaktet me komandantët izraelitë, ai deklaroi: “Forcat Mbrojtëse të Izraelit (IDF) janë në gjendje lufte. Ne nuk jemi në armëpushim; ne vazhdojmë të luftojmë.”

“Ne jemi kudo. Ashtu siç jemi në Gaza, ashtu siç jemi në Siri, ne jemi këtu në Liban”, shtoi ai.

Deklarata vjen ndërsa Shtetet e Bashkuara dhe Irani përgatiten për bisedime në Pakistan, dhe raportet e mediave ndërkombëtare tregojnë se Shtetet e Bashkuara po i bëjnë presion Izraelit për të lehtësuar tensionet në frontin libanez.

Deri më tani, presioni duket se po dështon, pasi operacionet ushtarake izraelite në Liban kanë vazhduar të pandërprera, ndërsa Hezbollahu po përgjigjet me një valë sulmesh me raketa drejt Izraelit verior.