Iu gjetën në makinë 19 kg kokainë, 20 kg heroinë dhe 5 mijë euro, pranga 2 shqiptarëve në Itali

Të paktën 2 shqiptarë janë arrestuar në Itali, të akuzuar për prodhim dhe shitje të lëndëve narkotike. Mediat vendase shkruajnë se kanë rënë në pranga shtetasit L 45 vjeç dhe J.S të 27 vjeç, pas një hetimi të gjatë.

Fillimisht policia e Venezias kishte informacione se një mbante një sasi të madhe droge në një apartament. Policët vunë re 45-vjeçarin në bordin e makinës së tij pranë Viale Monza, teksa ishte duke dorëzuar një zarf të kuq tek një 27-vjeçar po ashtu shqiptar i cili pasi u kontrollua më pas, u zbulua se mbante dy pako heroinë me peshë rreth 1 kilogram.

Pas ndalimit policia 45-vjeçarit shqiptar i gjeti në makinë një shumë prej 2 mijë eurosh. Ndërsa pas kontrollit në banesën e tij u gjetën 19 kg kokainë, 20 kg heroinë, 160 kg lëndë përzierëse, 5,500euro para të thata, material për përpunimin dhe paketimin e drogës, një presë e madhe metalike, tre furra me mikrovalë, dy përzierës të mëdhenj, kimikate të lëngshme dhe dy maska me gaz. Droga e sekuestruar do të kishte sjellë rreth 3 milionë euro fitime në treg./ abcnews