Italia heq karantinën për vendet anëtare të BE, ja vendimi që ka marrë për Shqipërinë

Italia ka nisur lehtësimin e masave anti-Covid, për shkak të hapjes së sezonit turistik. Mësohet se qeveria italiane ka hequr karantinën për shtetasit nga vendet anëtare të unionit, nga Britania e Madhe dhe Izraeli, dhe këta shtetas duhet vetëm të paraqesin një tampon negative të 48- orëve të fundit.

Ndërkohë, asgjë nuk ka ndryshuar për Shqipërinë. Sipas qeverisë, shqiptarët që nuk kanë leje-qëndrimi italiane dhe pasaporta të vendeve anëtare të Bashkimit Europian, do të qëndrojnë në fuqi kufizimet e deritanishme, ku lejohet hyrja vetëm për arsye të veçanta.

Po i njëjti ritëm është zgjedhur edhe nga Spanja dhe Portugalia. Këta vende kanë nisur hapjen graduale të plazheve dhe pishinave, duke lejuar edhe turistë të huaj.