Aksident tragjik në Tiranë, humb kontrollin e makinës, vdes shoferi 33-vjeçar

Policia e Tiranës ka njoftuar mëngjesin e sotëm se në orët e para të ditës së sotme, një aksident tragjik ka ndodhur në rrugën “sulejman Delvina”, ku për pasojë ka vdekur një 33-vjeçar. Sipas policisë, shoferi ka humbur kontrollin e mjetit dhe për pasojë ka ndërruar jetë.

“Tiranë/Informacion paraprak

Rreth orës 01:30, në rrugën “Sulejman Delvina” shtetasi R. K., 33 vjeç ka humbur kontrollin e mjetit dhe ka dalë nga rruga, dhe për pasojë ka ndërruar jetë në vendngjarje. Grupi hetimor po punon për sqarimin e rrethanave të ngjarjes.”, njofton policia.