India me një rekord të ri, 4 mijë të vdekur brenda 24 orëve dhe 421 mijë të infektuar

Një rekord i ri është vendosur në Indi, lidhur me raportin e vdekjeve dhe infektimeve me Covid-19. Sipas mediave vendase, duke cituar raportin e Ministrisë së Shëndetësisë, brenda 24 orëve të fundit, kanë ndërruar jetën 4 mijë persona dhe 421 mijë të tjerë kanë rezultuar pozitiv me koronavirus.

Sipas raportit, që nga nisja e pandemisë, në Indi janë në total 230.168 të vdekur dhe 21,1 milionë të infektuar. Ndërkohë që në fillim të këtij muaji, India është bërë shteti i parë në botë që ka regjistruar mbi 400,000 të infektuar me këtë virus brenda një dite. Lidhur me situatën e spitaleve, vendi vazhdon të jetë në kolaps, ka mungesë të theksuar shtretërish, oksigjeni dhe ilaçesh.