I vihet flaka bizneseve të bashkëshortes së ministrit, procedohen 5 persona

Në orët e para të mëngjesit të sotëm, janë sulmuar bizneset e bashkëshortes së Zëvendësministrit të Mbrojtjes Civile, Nikos Hardalias. Policia greke ka bërë me dije se ngjarja ka ndodhur në zonën “Bajron”, rreth orës 01:30.

Mediat greke shkruajnë se sulmi i parë u zhvillua jashtë një palestre, në rrugën “Formionos 245” dhe e dyta jashtë një dyqani rrobash, përballë në rrugën Formionos 238. Shpërthimet dëmtuan dritaret dhe hyrjen e bizneseve ndërsa ndërhyri zjarrfikësja.

Në saj të kësaj ngjarje, u proceduan 5 të dyshuar nga zona “Bajron” afër vendit ku ndodhën sulmet dhe deri në orët e para të mëngjesit, njerëzit u ndaluan dhe u kontrolluan.

Policia është në vendin e ngjarjes, ku po punon për zbardhjen e ngjarjes