Tërmeti shkatërrimtar në Venezuelë, SHBA dërgon ekipe kërkim-shpëtimi dhe ndihmë humanitare

Shtetet e Bashkuara kanë njoftuar dërgimin e menjëhershëm të ekipeve të kërkim-shpëtimit, pajisjeve mjekësore dhe ndihmës humanitare në Venezuelë, pas tërmeteve të forta që goditën vendin dhe shkaktuan dëme të mëdha materiale dhe humbje jetësh.

Sekretari amerikan i Shtetit deklaroi se misioni po realizohet “menjëherë” dhe “nën drejtimin e Presidentit të SHBA-së”, duke theksuar reagimin e shpejtë të Uashingtonit ndaj situatës emergjente.

Në një mesazh publik, ai shprehu ngushëllime për popullin venezuelian, duke theksuar dhimbjen për viktimat dhe mbështetjen për të plagosurit dhe familjet e tyre.

“Shtetet e Bashkuara shprehin ngushëllimet e tyre më të thella për popullin e Venezuelës pas tërmeteve shkatërruese”, u shpreh ai. Ai shtoi gjithashtu se mendimet e SHBA-së janë me të gjithë ata që kanë humbur të dashurit e tyre, me të plagosurit, si dhe me ekipet e shpëtimit që po punojnë në terren në kushte të vështira pas katastrofës natyrore.