Gruaja u lë pasurinë kafshëve shtëpiake: Fëmijët nuk e meritojnë

Një rast i pazakontë raportohet të ketë ndodhur në Shangai në Kinë. Një grua e njohur me emrin Liu, ka vendosur t’ua lërë pasurinë e saj prej 2.8 milionë dollarësh maceve dhe qenve të saj, pasi ka deklaruar se 3 fëmijët e saj nuk e vizitojnë kurrë as kur është e sëmurë.

Liu është shprehur se kafshët shtëpiake, kanë qenë ngushëllimi i saj i vetëm. Mësohet se ajo ka bërë një testament fillestar disa vite më parë, duke i lënë tre fëmijëve të saj para dhe pasuri, por ka ndërruar mendje sepse nuk e vizitonin, nuk e përkujdesnin dhe e kontaktonin rrallë.

Në testamentin e saj të ri, ajo këmbëngul se dëshiron që të gjitha paratë të shkojnë për kujdesin e kafshëve shtëpiake, ndërsa një klinikë veterinare lokale është caktuar si kujdestare e pasurisë së saj, duke u kujdesur për kafshët.

Ajo donte t’i linte të gjitha paratë e saj drejtpërdrejt për kafshët e saj shtëpiake, por kjo nuk është e ligjshme në Kinë, tha një zyrtar në Qendrën e Regjistrimit të Wills në Pekin për South China Morning Post.

Burimi: Scmp.com