Gjendet i vdekur emigranti në Greqi, dyshohet se është sulmuar nga brejtësa

Një ngjarje e rëndë ka ndodhur në Greqi, ku mësohet se është gjetur i vdekur një emigrant somalian në një kamp migrantësh në ishullin lindor të Egjeut Chios. Lajmi u bë me dije nga Ministria e Migracionit një ditë më parë, ku bëri me dije se 28-vjeçari u gjet mesditën e hënë të kaluar, pasi disa somalezë të tjerë që thirrën policinë.

Pas ekzaminimit të kufomës, mjeku njoftoi se ai kishte vdekur për të paktën 10-12 orë më parë dhe identifikoi dy plagë në veshin e burrit dhe dorën e tij të majtë, me shumë gjasa të shkaktuara nga kafshimet e brejtësve.

Ndërkohë që shkaqet e sakta të vdekjes do raportohen pasi të bëhet autopsia. Ministria tha se autoritetet kanë përjashtuar mundësinë e ndonjë vrasje nga të tjerë, pasi nuk janë vërejtur mavijosje, lëndime ose plagë të dyshimta në trupin e burrit.