Gaz makinave për ta përkujtuar, qindra grekë përcjellin për në banesën e fundit reperin “Mad Clip” (Video)

Sot është përcjellë për në banesën e fundit reperi “Mad Clip”. 34-vjeçari vdiq disa ditë më parë, pas një aksidenti fatal, për shkak të shpejtësisë.

Ai po kthehej nga një dasëm në orët e para të mëngjesit, kur humbi kontrollin e timonit dhe u përplas me një shtyllë.

Pamjet e bëra publike nga mediat greke tregojnë se para se trupi i tij të shkojë në banesën e fundit, miqtë e tij i jepnin gaz makinave për të përkujtuar shpejtësinë që ai aq shumë e donte dhe i mori jetën.

Ndërkohë, ish e dashura e tij vazhdon të jetë në gjendje të rëndë psikologjike.

Mësohet se ajo dhe Mad Clip po tentonin të rinisnin bashkë atë që lanë përgjysmë, por nuk ia dolën.