“E mbyti dhe tentoi të zhdukë trupin”/ Detaje nga vrasja makabre e ish- Miss Zvicrës

Detaje të reja kanë dalë nga vrasja makabre e ish-finalistes së “Miss Zvicra”, Kristina Joksimovic, e cila dyshohet se u vra nga bashkëshorti i saj pas një konflikti të ashpër familjar.

Sipas mediave zvicerane, 41-vjeçari Marc Rieben akuzohet se e ka mbytur modelen 38-vjeçare dhe më pas ka tentuar të fshehë gjurmët e krimit duke copëtuar trupin e saj.

Ngjarja ka ndodhur në shkurt të vitit 2022 në Binningen, ndërsa hetimet kanë zbuluar se çifti kishte konflikte të vazhdueshme lidhur me divorcin, kujdestarinë e fëmijëve dhe problemet financiare.

Sipas dokumenteve gjyqësore, gjatë debatit autori dyshohet se e ka kapur viktimën nga fyti dhe e ka përplasur në mur përpara se ta mbyste.

Hetuesit zviceranë pretendojnë se pas krimit, i dyshuari e ka copëtuar trupin me mjete prerëse dhe pajisje kopshtarie, ndërsa disa pjesë të trupit dyshohet se janë shkatërruar me pajisje industriale dhe substanca kimike.

Raporti mjeko-ligjor ka rrëzuar pretendimet e autorit për vetëmbrojtje, duke theksuar se viktima humbi jetën si pasojë e mbytjes.

Trupi i viktimës u gjet nga familjarët në banesën e tyre, ndërsa autoritetet zvicerane e kanë cilësuar ngjarjen si një nga krimet më tronditëse të viteve të fundit në Zvicër.

l