Bllokohet në mesin e zjarrit familja me 7 pjesëtarë, autoblindi i ushtrisë greke i shpëton jetën

Situata e zjarreve në Greqi nuk ka asnjë përmirësim, dhe ka pasur raste ku jeta e shumë familjeve ka qenë në rrezik. Mediat vendase shkruajnë se një familje me 7 anëtarë në Atikë, janë pushtuar nga zjarri. Në pamundësi për të dalë, autoblindi i ushtrisë, shkruajnë mediat, theu gardhin dhe arriti të shpëtojë familjen.

Sipas mediave, në mesin e familjeve ishte edhe një i moshuar që nuk mund të lëvizte. Situata e rënduar vijon prej ditësh, dhe sipas ekspertëve, në zonat që është qetësuar situata, zjarri ka lënë në ajër grimca kancerogjene.